Es Grümpi vo Hediger für Hediger, mached es Fäscht drus und füüüred eui Fründe und Familie bim Spiele a. Bsueched eui Kollege und stossed mit ihne uf de Sieg a.
Treffed eui Nachbere zume Kaffi. Trinked mit eune Arbets- oder Vereinskollege es Bier. Lönd de Abig bi guetem Essä in beschter Gsellschaft usklinge.

S’Grümpi isch immer am Uffahrtsdunnschtig eue Treffpunkt!
Im Zentrum stönd natürlich d’Spiel vo de Mannschafte.
Doch s’Hediger Grümpi isch Legende und drum s’Früehligshilight im Dorf.